जेम्स बाँड

जेम्स बॉंड (इंग्लिश: James Bond) हे ब्रिटिश कादंबरीकार इयान फ्लेमिंग ह्यांनी इ.स. १९५३ साली बनवलेले एक काल्पनिक पात्र आहे. जेम्स बॉंड हा एक ब्रिटिश गुप्तहेर असून तो खात्यामध्ये ००७ ह्या सांकेतिक नावाने ओळखला जात असतो. इयान फ्लेमिंगने बॉंडवर ६ कादंबऱ्या व २ लघुकथा लिहिल्या. इ.स. १९६४ मधील फ्लेमिंगच्या मृत्यूनंतर इतर ६ लेखकांनी बॉंडच्या पात्रावर आधारित कथा लिहिल्या.

जेम्स बॉंड नायक असलेले आजवर २४ चित्रपट प्रदर्शित झाले असून ते जगभर बॉंडपट म्हणून ओळखले जातात. ह्यांमधील सर्वप्रथम चित्रपट इ.स. १९६२ सालचा डॉ. नो तर सर्वात नवा चित्रपट २०१५ सालचा स्पेक्टर हा होय. हे चित्रपट अत्यंत यशस्वी ठरले असून ते जेम्स बॉंडच्या पात्राची स्टाईल, रुबाब तसेच चित्रपटांमधील संगीतासाठी ओळखले जातात. आजवर सहा वेगवेगळ्या सिनेनायकांनी ह्या २४ चित्रपटांमध्ये जेम्स बॉंडची व्यक्तिरेखा साकारली आहे.

आजवर जेम्स बॉंड शृंखलेमध्ये २४ चित्रपट प्रदर्शित झाले आहेत. हे सर्व चित्रपट एऑन प्रॉडक्शन्स ह्या लंडनमधील कंपनीने बनवले आहेत.

ह्यांव्यतिरिक्त इतर तीन चित्रपटांमध्ये जेम्स बॉंड हे पात्र नायकाच्या भूमिकेमध्ये आहे. परंतु हे चित्रपट इऑन प्रॉडक्शन्सने बनवलेले नसल्यामुळे ते अधिकृत बॉंडपट मानले जात नाहीत.

• कॅसिनो रोयाल (१९५४)
• कॅसिनो रोयाल (१९६७)
• नेव्हर से नेव्हर अगेन (१९८३)

जेम्सचे सर्व चित्रपट हे खूप चागले आहेत

• अधिकृत संकेतस्थळ
• बॉंड एन्सायक्लोपीडिया Archived 2012-11-06 at the Wayback Machine.