जपानी लोक

जपानी लोक (जपानी: 日本人, निहोन्जीन / निप्पोन्जीन ;) हा जपानी द्वीपसमूहात व्युत्पती झालेला वांशिक गट आहे. जगभरात तब्बल १३ कोटी (मुख्यत्वे जपान:१२.७ कोटी ) वेगवेगळ्या देशांमध्ये वास्तव्यास आहेत. जपानाशिवाय अन्य देशांमध्ये राहणाऱ्या परदेशस्थ जपानी लोकांना जपानातील लोक निक्केइजिन म्हणतात. जपानी लोक या संकल्पनेमध्ये यामातो, ऐनू आणि रुक्युआन लोक हे उपवांशिक गटसुद्धा समाविष्ट आहेत. भारतात सुमारे 4,018 जपानी लोक राहतात जे बहुतेक प्रवासी अभियंते आणि कंपनीचे अधिकारी आहेत आणि ते प्रामुख्याने हल्दिया, बंगलोर आणि कोलकाता येथे राहतात. याव्यतिरिक्त, पाकिस्तानमध्ये 903 जपानी प्रवासी आहेत जे मुख्यतः इस्लामाबाद आणि कराची शहरात आहेत.

हेसुद्धा पाहा: जपानी भाषा

जपानी भाषा ही कधी 'एकांतिक भाषा' या गटात मोडते, तर काहीवेळा तिचा रुक्युआन भाषा आणि अल्टेक भाषासमूह यांमध्ये समावेश केला जातो.

हेसुद्धा पाहा: जपान मधील धर्म

बहुतकरून जपानी लोक धर्मनिरपेक्ष आहेत परंतु त्यांच्या दैनंदिन जीवनामध्ये धर्मांना जास्त महत्त्व आहे. पण एका सर्वेक्षणानुसार तब्बल ८४ % ते ९६ % लोक बौद्ध व शिंतो या जपानी स्थानिक धर्माच्या विचारधारणांमध्ये विश्वास ठेवतात.