गोवा संपर्क क्रांती एक्सप्रेस ही भारतीय रेल्वेची एक जलद प्रवासी सेवा आहे. संपर्क क्रांती ह्या विशेष गाड्यांपैकी एक असलेली ही रेल्वे गोव्यामधील मडगांव रेल्वे स्थानक ते चंदीगढ स्थानकांदरम्यान आठवड्यातून दोनदा धावते. कोकण रेल्वे व पश्चिम रेल्वेमार्गे धावणाऱ्या गोवा संपर्क क्रांती एक्सप्रेसला मडगांव ते चंदीगढ दरम्यानचे २,३६७ किमी अंतर पार करायला ४० तास लागतात. गोवा एक्सप्रेस, मंगला लक्षद्वीप एक्सप्रेस व दिल्ली-त्रिवेंद्रम राजधानी एक्सप्रेस ह्या गोव्याला दिल्लीसोबत जोडणाऱ्या इतर गाड्या आहेत.
