एडवण

एडवण हे भारताच्या महाराष्ट्र राज्यातील उत्तर कोकणातील पालघर जिल्ह्यातील पालघर तालुक्यातील एक गाव आहे.

सफाळे रेल्वे स्थानकापासून पश्चिमेस माकुणसार दातिवरे मार्गाने गेल्यावर भादवे गावानंतर हे गाव लागते. सफाळेपासून हे गाव १८ किमी अंतरावर आहे.

पावसाळ्यात येथे भरपूर प्रमाणात पाऊस पडतो आणि हवामान समशीतोष्ण राहते. हिवाळ्यात येथील हवामान थंड असते. उन्हाळ्यात हवामान उष्ण असते. पावसाळ्यात येथे भातशेती केली जाते. रब्बी हंगामात भाजीपाला, फुलभाज्या, फळभाज्यांचे पीक घेतले जाते.

हे मध्यम आकाराचे छोटे गाव आहे.२०११ च्या भारतीय जनगणनेनुसार गावात ७३४ कुटुंबे राहतात. एकूण ३१८८ लोकसंख्येपैकी १५८१ पुरुष तर १६०७ महिला आहेत. गावाची साक्षरता ८५.५६ टक्के आहे.पुरुष साक्षरता ९४.२१ आहे तर स्त्री साक्षरता ७७.०१ आहे. गावातील वय वर्ष शून्य ते सहा वर्षे लहान मुलांची संख्या २७२ आहे. ती एकूण लोकसंख्येच्या ८.५३ टक्के आहे. मुख्यतः वाडवळ, मांगेले, भंडारी समाजातील लोक येथे राहतात.भातशेती, मासेमारी यांबरोबर दुधाचा व्यवसायही केला जातो.

गावात प्राथमिक शिक्षण,प्राथमिक आरोग्यसेवा, रस्ते वीजपुरवठा, सार्वजनिक स्वच्छता, पाणी पुरवठा, इत्यादी आवश्यक गोष्टी उपलब्ध आहेत. महाराष्ट्र राज्य परिवहन महामंडळाच्या बस सफाळे रेल्वे स्थानकावरून येथे येण्यासाठी ठरावीक वेळी उपलब्ध होतात. सफाळेवरून दिवसभर ऑटोरिक्शासुद्धा मिळतात.

भादवे, करवाळे,पेणांद, सरतोडी, मांडे,डोंगरे,विराथन बुद्रुक, दारशेत, दहीवले, घाटीम, कांदरवन ही जवळपासची गावे आहेत.

https://www.census2011.co.in/data/subdistrict/4163-palghar-thane-maharashtra.html

२. http://tourism.gov.in/india-tourism-development-corporation-itdc