उसरणी

उसरणी हे भारतातील महाराष्ट्र राज्यातील उत्तर कोकणातील पालघर जिल्ह्यातील पालघर तालुक्यातील एक गाव आहे.

सफाळे रेल्वे स्थानकापासून पश्चिमेला माकुणसार मार्गाने गेल्यावर चटाळे गावानंतर हे गाव लागते. सफाळेपासून हे गाव १३ किमी अंतरावर आहे.

पावसाळ्यात येथे भरपूर प्रमाणात पाऊस पडतो आणि हवामान समशीतोष्ण राहते. हिवाळ्यात येथील हवामान थंड असते व अनेकदा सकाळी धुके पडते. उन्हाळ्यात हवामान उष्ण असते. पावसाळ्यात येथे भातशेती केली जाते.हे गाव अरबी समुद्राला लागून असल्याने येथील लोकांचा मुख्य व्यवसाय समुद्रातील मासेमारी आहे.

हे मध्यम आकाराचे गाव आहे.२०११ च्या भारतीय जनगणनेनुसार गावात ३५४ कुटुंबे राहतात. एकूण १४९० लोकसंख्येपैकी ७४६ पुरुष तर ७४४ महिला आहेत. गावाची साक्षरता ९१.२२ टक्के आहे.पुरुष साक्षरता ९५.२० आहे तर स्त्री साक्षरता ८७.१९ आहे. गावातील वय वर्ष शून्य ते सहा वर्षे लहान मुलांची संख्या १२३ आहे. ती एकूण लोकसंख्येच्या ८.२६ टक्के आहे. मुख्यतः मांगेली व खारपाटील समाजातील लोक येथे राहतात. छोट्या प्रमाणावर शेती व मुख्य प्रमाणात मासेमारी केली जाते.लहान प्रमाणात कुक्कुटपालन, बकरीपालन सुद्धा केले जाते.

गावात प्राथमिक शिक्षण,प्राथमिक आरोग्यसेवा, रस्ते वीजपुरवठा, सार्वजनिक स्वच्छता,पाणी पुरवठा इत्यादी आवश्यक गोष्टी उपलब्ध आहेत. महाराष्ट्र राज्य परिवहन महामंडळाच्या बस सफाळे रेल्वे स्थानकावरून येथे येण्यासाठी ठराविक वेळी उपलब्ध असतात. ऑटोरिक्शासुद्धा सफाळेवरून दिवसभर उपलब्ध असतात.

भादवे, रामबाग, माकुणसार, विळंगी, खटाळी, दांडा, दहिसर तर्फे माहीम, टिघरे, आंबोडेगाव, आगरवाडी(सफाळे), कपासे, पारगाव ही जवळपासची गावे आहेत.

https://www.census2011.co.in/data/subdistrict/4163-palghar-thane-maharashtra.html

२. http://tourism.gov.in/india-tourism-development-corporation-itdc

३. https://villageinfo.in/maharashtra/thane/palghar.html

४. https://www.mapsofindia.com/lat_long/maharashtra/

५. http://tourism.gov.in/

६. http://districts.nic.in/districtsdetails.php?sid=MH&disid=MH036

७. https://palghar.gov.in/

८. https://palghar.gov.in/tourism