इंग्लंड क्रिकेट संघाचा नेदरलँड्स दौरा, २०२२
| इंग्लंड क्रिकेट संघाचा नेदरलँड्स दौरा, २०२२ | |||||
 |  | ||||
| तारीख | १७ – २२ जून २०२२ | ||||
| संघनायक | पीटर सीलार (१ला ए.दि.) स्कॉट एडवर्ड्स (२रा,३रा ए.दि.) | आयॉन मॉर्गन (१ला,२रा ए.दि.) जोस बटलर (३रा ए.दि.) | |||
| एकदिवसीय मालिका | |||||
| निकाल | इंग्लंड संघाने ३-सामन्यांची मालिका ३–० जिंकली | ||||
| सर्वाधिक धावा | स्कॉट एडवर्ड्स (२१४) | जोस बटलर (२४८) फिल सॉल्ट (२४८) | |||
| सर्वाधिक बळी | पॉल व्हॅन मीकीरन (२) पीटर सीलार (२) आर्यन दत्त (२) | डेव्हिड विली (८) | |||
| मालिकावीर | जोस बटलर (इंग्लंड) | ||||
इंग्लंड क्रिकेट संघाने तीन आंतरराष्ट्रीय एकदिवसीय सामने (वनडे) खेळण्यासाठी जून २०२२ मध्ये नेदरलँड्सचा दौरा केला. एकदिवसीय मालिका २०२०-२२ आयसीसी क्रिकेट विश्वचषक सुपर लीग अंतर्गत खेळवली गेली. मूलत: सदर सामने मे २०२१ मध्ये नियोजीत होते. परंतु कोव्हिड-१९मुळे मालिका पुढे ढकलण्यात आली. सर्व सामने ॲम्स्टलवीन शहरातील व्ही.आर.ए. मैदान या मैदानावर झाले. ही पहिलीच अशी वेळ होती जेव्हा इंग्लंडने आंतरराष्ट्रीय एकदिवसीय मालिका खेळण्यासाठी नेदरलँड्सचा दौरा केला.
पहिल्या वनडे सामन्यात इंग्लंडने ४९८ धावांचा डोंगर उभारला. इंग्लंडने २०१८ साली स्थापलेला वनडेतील सर्वोच्च धावसंख्येचा विक्रम मोडला. तसेच लिस्ट-अ क्रिकेटमधील देखील ही सर्वोच्च धावसंख्या ठरली. इंग्लंडने पहिला सामना २३२ धावांनी जिंकला. नेदरलँड्सचा कर्णधार पीटर सीलार याने पाठीच्या दुखण्यामुळे आंतरराष्ट्रीय क्रिकेटमधून निवृत्ती जाहीर केल्याने शेवटच्या दोन सामन्यांकरिता स्कॉट एडवर्ड्सला नेदरलँड्सचा कर्णधार नेमले गेले. इंग्लंडने दुसरा सामना जिंकत मालिकाविजय नोंदवला.
२०२०-२२ आयसीसी क्रिकेट विश्वचषक सुपर लीग - आंतरराष्ट्रीय एकदिवसीय मालिका
१ला सामना
वि |  नेदरलँड्स२६६ (४९.४ षटके) | |
- नाणेफेक : नेदरलँड्स, क्षेत्ररक्षण.
- इंग्लंडने नेदरलँड्समध्ये पहिल्यांदाच आंतरराष्ट्रीय एकदिवसीय सामना खेळला.
- विश्वचषक सुपर लीग गुण : इंग्लंड - १०, नेदरलँड्स - ०.
२रा सामना
नेदरलँड्स २३५/७ (४१ षटके) | वि | |
- नाणेफेक : नेदरलँड्स, फलंदाजी.
- पावसामुळे सामना प्रत्येकी ४१ षटकांचा करण्यात आला.
- टिम प्रिंगल (ने) याने आंतरराष्ट्रीय एकदिवसीय पदार्पण केले.
- विश्वचषक सुपर लीग गुण : इंग्लंड - १०, नेदरलँड्स - ०.
३रा सामना
नेदरलँड्स २४४ (४९.२ षटके) | वि | |
- नाणेफेक : इंग्लंड, क्षेत्ररक्षण.
- डेव्हिड पेन (इं) याने आंतरराष्ट्रीय एकदिवसीय पदार्पण केले.
- विश्वचषक सुपर लीग गुण : इंग्लंड - १०, नेदरलँड्स - ०.