आनंद अभ्यंकर

आनंद मोरेश्वर अभ्यंकर (जन्म : २ जून १९६३]]; - २३ डिसेंबर २०१२) हा मराठी चित्रपट, नाटके व दूरचित्रवाणी माध्यमांतील अभिनेता होता. "असंभव", "मला सासू हवी" इत्यादी मराठी दूरचित्रवाणी मालिकांमधील त्याच्या भूमिका विशेष गाजल्या.

आनंद अभ्यंकर मूळचे नागपूरचे, त्याचे शालेय शिक्षण नागपुरातील नूतन भारत शाळेत ^[१] झाले; तर महाविद्यालयीन शिक्षण पुण्यातील गरवारे महाविद्यालयात ^[२] झाले.

एका चित्रीकरणाचे काम आटोपून पुण्याहून मुंबईकडे प्रवास करत असताना अभ्यंकरांच्या कारला २३ डिसेंबर, इ.स. २०१२ रोजी रात्री साडेअकराच्या सुमारास मुंबई–पुणे द्रुतगतिमार्गावरील उर्से टोलनाक्याजवळ अपघात झाला. त्यांच्या सोबत असलेला सहअभिनेता अक्षय पेंडसे याचा ^[३]. दुर्घटनास्थळीच मृत्यू झाला. तर निगडीतल्या लोकमान्य इस्पितळातील उपचारांदरम्यान आनंद अभ्यंकर याचेही निधन झाले. ^[३].

२०१३ सालापासून, आनंद अभ्यंकर मित्र परिवारातर्फे रंगभूमीची सेवा करणाऱ्या कलावंताला किंवा कार्यकर्त्याला दरवर्षी आनंदरंग पुरस्कार देण्यात येतो.

• २०१३ साली रंगकर्मी दिनेश गोसावी यांना पहिला आनंदरंग पुरस्कार पुरस्कार देण्यात आला.
• २०१४ सालचा पुरस्कार शिवाजी मंदिरातील चहावाले बाळू वासकर यांना प्रदान झाला.
• २०१५साली मोहम्मद चाचा याना हा पुरस्कार मिळाला.
• २०१६ साली हा पुरस्कार पडद्यामागचे कलाकार विठ्ठल हुलावळे यांना देण्यात आला.

• इंटरनेट मूव्ही डेटाबेस वरील आनंद अभ्यंकर चे पान (इंग्लिश मजकूर)